सुन्दरकाण्ड — दोहा 29

श्लोक 29.1

जौं न होति सीता सुधि पाई। मधुबन के फल सकहिं कि खाई॥ एहि बिधि मन बिचार कर राजा। आइ गए कपि सहित समाजा॥ १ ॥

jauṁ na hoti sītā sudhi pāī madhubana ke phala sakahiṁ ki khāī ehi bidhi mana bichāra kara rājā āi gae kapi sahita samājā

श्लोक 29.2

आइ सबन्हि नावा पद सीसा। मिलेउ सबन्हि अति प्रेम कपीसा॥ पूँछी कुसल कुसल पद देखी। राम कृपाँ भा काजु बिसेषी॥ २ ॥

āi sabanhi nāvā pada sīsā mileu sabanhi ati prema kapīsā pūm̐chhī kusala kusala pada dekhī rāma kṛipām̐ bhā kāju biseṣhī

श्लोक 29.3

नाथ काजु कीन्हेउ हनुमाना। राखे सकल कपिन्ह के प्राना॥ सुनि सुग्रीव बहुरि तेहि मिलेऊ। कपिन्ह सहित रघुपति पहिं चलेऊ॥ ३ ॥

nātha kāju kīnheu hanumānā rākhe sakala kapinha ke prānā suni sugrīva bahuri tehi mileū kapinha sahita raghupati pahiṁ chaleū

श्लोक 29.4

राम कपिन्ह जब आवत देखा। किएँ काजु मन हरष बिसेषा॥ फटिक सिला बैठे द्वौ भाई। परे सकल कपि चरनन्हि जाई॥ ४ ॥

rāma kapinha jaba āvata dekhā kiem̐ kāju mana haraṣha biseṣhā phaṭika silā baiṭhe dvau bhāī pare sakala kapi charananhi jāī

श्लोक 29.5

प्रीति सहित सब भेंटे रघुपति करुना पुंज। पूछी कुसल नाथ अब कुसल देखि पद कंज॥ २९ ॥

prīti sahita saba bheṁṭe raghupati karunā puṁja pūchhī kusala nātha aba kusala dekhi pada kaṁja