नर्मदाष्टकम् (नमामि देवि नर्मदे)

मूल पाठ

सबिन्दुसिन्धुसुस्खलत्तरङ्गभङ्गरञ्जितं द्विषत्सु पापजातजातकारिवारिसंयुतम् । कृतान्तदूतकालभूतभीतिहारिवर्मदे त्वदीयपादपङ्कजं नमामि देवि नर्मदे ॥ १॥ त्वदम्बुलीनदीनमीनदिव्यसम्प्रदायकं कलौ मलौघभारहारिसर्वतीर्थनायकम् । सुमच्छकच्छनक्रचक्रवाकचक्रशर्मदे त्वदीयपादपङ्कजं नमामि देवि नर्मदे ॥ २॥ महागभीरनीरपूरपापधूतभूतलं ध्वनत्समस्तपातकारिदारितापदाचलम् । जगल्लये महाभये मृकण्डुसूनुहर्म्यदे त्वदीयपादपङ्कजं नमामि देवि नर्मदे ॥ ३ ॥ गतं तदैव मे भयं त्वदम्बु वीक्षितं यदा मृकण्डुसूनुशौनकासुरारिसेवितं सदा । पुनर्भवाब्धिजन्मजं भवाब्धिदुःखवर्मदे त्वदीयपादपङ्कजं नमामि देवि नर्मदे ॥ ४॥ अलक्ष्यलक्षकिन्नरामरासुरादिपूजितं सुलक्षनीरतीरधीरपक्षिलक्षकूजितम् । वसिष्ठशिष्टपिप्पलादिकर्दमादिशर्मदे त्वदीयपादपङ्कजं नमामि देवि नर्मदे ॥ ५॥ सनत्कुमारनाचिकेतकश्यपात्रिषट्पदैः धृतं स्वकीयमानसेषु नारदादिषट्पदैः । रवीन्दुरन्तिदेवदेवराजकर्मशर्मदे त्वदीयपादपङ्कजं नमामि देवि नर्मदे ॥ ६॥ अलक्षलक्षलक्षपापलक्षसारसायुधं ततस्तु जीवजन्तुतन्तुभुक्तिमुक्तिदायकम् । विरिञ्चिविष्णुशंकरस्वकीयधामवर्मदे त्वदीयपादपङ्कजं नमामि देवि नर्मदे ॥ ७॥ अहो धृतं स्वनं श्रुतं महेशकेशजातटे किरातसूतबाडबेषु पण्डिते शठे नटे । दुरन्तपापतापहारि सर्वजन्तुशर्मदे त्वदीयपादपङ्कजं नमामि देवि नर्मदे ॥ ८॥ इदं तु नर्मदाष्टकं त्रिकालमेव ये सदा पठन्ति ते निरन्तरं न यान्ति दुर्गतिं कदा । सुलभ्यदेहदुर्लभं महेशधामगौरवं पुनर्भवा नरा न वै विलोकयन्ति रौरवम् ॥ ९॥ इति श्रीमत्परमहंसपरिव्राजकाचार्यस्य श्रीगोविन्दभगवत्पूज्यपादशिष्यस्य श्रीमच्छंकरभगवतः कृतौ नर्मदाष्टकं सम्पूर्णम् ॥

लिप्यंतरण

Sabindusindhususkhalattarangabhangaranjitam Dvishatsu papajatajatakarivarisanyutam | Kritantadutakalabhutabhitiharivarmade Tvadiyapadapankajam namami devi narmade ||1|| Tvadambulinadinaminadivyasampradayakam Kalau malaughabharaharisarvatirthanayakam | Sumachchhakachchhanakrachakravakachakrasharmade Tvadiyapadapankajam namami devi narmade ||2|| Mahagabhiranirapurapapadhutabhutalam Dhvanatsamastapatakaridaritapadachalam | Jagallaye mahabhaye mrikandusunuharmyade Tvadiyapadapankajam namami devi narmade ||3|| Gatam tadaiva me bhayam tvadambu vikshitam yada Mrikandusunushaunakasurarisevitam sada | Punarbhavabdhijanmajam bhavabdhiduhkhavarmade Tvadiyapadapankajam namami devi narmade ||4|| Alakshyalakshakinnaramarasuradipujitam Sulakshaniratiradhirapakshilakshakujitam | Vasishthashishtapippaladikardamadisharmade Tvadiyapadapankajam namami devi narmade ||5|| Sanatkumaranachiketakashyapatrishatpadaih Dhritam svakiyamanaseshu naradadishatpadaih | Ravindurantidevadevarajakarmasharmade Tvadiyapadapankajam namami devi narmade ||6|| Alakshalakshalakshapapalakshasarasayudham Tatastu jivajantutantubhuktimuktidayakam | Virinchivishnushankarasvakiyadhamavarmade Tvadiyapadapankajam namami devi narmade ||7|| Aho dhritam svanam shrutam maheshakeshajatate Kiratasutabadabeshu pandite shathe nate | Durantapapatapahari sarvajantusharmade Tvadiyapadapankajam namami devi narmade ||8|| Idam tu narmadashtakam trikalameva ye sada Pathanti te nirantaram na yanti durgatim kada | Sulabhyadehadurlabham maheshadhamagauravam Punarbhava nara na vai vilokayanti rauravam ||9|| Iti shrimatparamahansaparivrajakacharyasya Shrigovindabhagavatpujyapadashishyasya Shrimachchhankarabhagavatah kritau Narmadashtakam sampurnam ||