ब्रह्मा चालीसा – जय ब्रह्मा जय स्वयम्भू

मूल पाठ

॥ दोहा ॥ जय ब्रह्मा जय स्वयम्भू, चतुरानन सुखमूल । करहु कृपा निज दास पै, रहहु सदा अनुकूल ॥ तुम सृजक ब्रह्माण्ड के, अज विधि धाता नाम । विश्वविधाता कीजिये, जन पै कृपा ललाम ॥ ॥ चौपाई ॥ जय जय कमलासन जगमूला । रहहु सदा जनपै अनुकूला ॥ रूप चतुर्भुज परम सुहावन । तुम्हें अहैं चतुर्दिक आनन ॥ रक्तवर्ण तव सुभग शरीरा । मस्तक जटाजूट गंभीरा ॥ ताके ऊपर मुकुट बिराजै । दाढ़ी श्वेत महाछवि छाजै ॥ श्वेतवस्त्र धारे तुम सुन्दर । है यज्ञोपवीत अति मनहर ॥ कानन कुण्डल सुभग बिराजहिं । गल मोतिन की माला राजहिं ॥ चारिहु वेद तुम्हीं प्रगटाये । दिव्य ज्ञान त्रिभुवनहिं सिखाये ॥ ब्रह्मलोक शुभ धाम तुम्हारा । अखिल भुवन महँ यश बिस्तारा ॥ अर्द्धांगिनि तव है सावित्री । अपर नाम हिये गायत्री ॥ सरस्वती तब सुता मनोहर । वीणा वादिनि सब विधि सुन्दर ॥ कमलासन पर रहे बिराजे । तुम हरिभक्ति साज सब साजे ॥ क्षीर सिन्धु सोवत सुरभूपा । नाभि कमल भो प्रगट अनूपा ॥ तेहि पर तुम आसीन कृपाला । सदा करहु सन्तन प्रतिपाला ॥ एक बार की कथा प्रचारी । तुम कहँ मोह भयेउ मन भारी ॥ कमलासन लखि कीन्ह बिचारा । और न कोउ अहै संसारा ॥ तब तुम कमलनाल गहि लीन्हा । अन्त बिलोकन कर प्रण कीन्हा ॥ कोटिक वर्ष गये यहि भांती । भ्रमत भ्रमत बीते दिन राती ॥ पै तुम ताकर अन्त न पाये । ह्वै निराश अतिशय दुःखियाये ॥ पुनि बिचार मन महँ यह कीन्हा । महापद्म यह अति प्राचीना ॥ याको जन्म भयो को कारन । तबहीं मोहि करयो यह धारन ॥ अखिल भुवन महँ कहँ कोइ नाहीं । सब कछु अहै निहित मो माहीं ॥ यह निश्चय करि गरब बढ़ायो । निज कहँ ब्रह्म मानि सुखपाये ॥ गगन गिरा तब भई गंभीरा । ब्रह्मा वचन सुनहु धरि धीरा ॥ सकल सृष्टि कर स्वामी जोई । ब्रह्म अनादि अलख है सोई ॥ निज इच्छा इन सब निरमाये । ब्रह्मा विष्णु महेश बनाये ॥ सृष्टि लागि प्रगटे त्रयदेवा । सब जग इनकी करिहै सेवा ॥ महापद्म जो तुम्हरो आसन । ता पै अहै विष्णु को शासन ॥ विष्णु नाभितें प्रगट्यो आई । तुम कहँ सत्य दीन्ह समुझाई ॥ भेटहु जाइ विष्णु हितमानी । यह कहि बन्द भई नभवानी ॥ ताहि श्रवण कहि अचरज माना । पुनि चतुरानन कीन्ह पयाना ॥ कमल नाल धरि नीचे आवा । तहां विष्णु के दर्शन पावा ॥ शयन करत देखे सुरभूपा । श्यामवर्ण तनु परम अनूपा ॥ सोहत चतुर्भुज अतिसुन्दर । क्रीटमुकुट राजत मस्तक पर ॥ गल बैजन्ती माल बिराजै । कोटि सूर्य की शोभा लाजै ॥ शंख चक्र अरु गदा मनोहर । पद्म सहित आयुध सब सुन्दर ॥ पाय पलोटति रमा निरन्तर । शेष नाग शय्या अति मनहर ॥ दिव्यरूप लखि कीन्ह प्रणामू । हर्षित भे श्रीपति सुख धामू ॥ बहु विधि विनय कीन्ह चतुरानन । तब लक्ष्मी पति कहेउ मुदित मन ॥ ब्रह्मा दूरि करहु अभिमाना । ब्रह्मरूप हम दोउ समाना ॥ तीजे श्री शिवशंकर आहीं । ब्रह्मरूप सब त्रिभुवन मांहीं ॥ तुम सों होइ सृष्टि विस्तारा । हम पालन करिहैं संसारा ॥ शिव संहार करहिं सब केरा । हम तीनहुं कहँ काज धनेरा ॥ अगुणरूप श्री ब्रह्म बखानहु । निराकार तिनकहँ तुम जानहु ॥ हम साकार रूप त्रयदेवा । करिहैं सदा ब्रह्म की सेवा ॥ यह सुनि ब्रह्मा परम सिहाये । परब्रह्म के यश अति गाये ॥ सो सब विदित वेद के नामा । मुक्ति रूप सो परम ललामा ॥ यहि विधि प्रभु भो जनम तुम्हारा । पुनि तुम प्रगट कीन्ह संसारा ॥ नाम पितामह सुन्दर पायेउ । जड़ चेतन सब कहँ निरमायेउ ॥ लीन्ह अनेक बार अवतारा । सुन्दर सुयश जगत विस्तारा ॥ देवदनुज सब तुम कहँ ध्यावहिं । मनवांछित तुम सन सब पावहिं ॥ जो कोउ ध्यान धरै नर नारी । ताकी आस पुजावहु सारी ॥ पुष्कर तीर्थ परम सुखदाई । तहँ तुम बसहु सदा सुरराई ॥ कुण्ड नहाइ करहि जो पूजन । ता कर दूर होइ सब दूषण ॥

लिप्यंतरण

Doha Jai Brahma Jai Swayambhu, Chaturanan Sukhmool. Karahu Kripa Nij Das Pai, Rahahu Sada Anukool. Tum Srijak Brahmand Ke, Aj Vidhi Dhata Naam. Vishvavidhata Keejiye, Jan Pai Kripa Lalaam. Chaupai Jai Jai Kamalasan Jagmoola, Rahahu Sada Janpai Anukoola. Roop Chaturbhuj Param Suhavan, Tumhen Ahain Chaturdik Aanan. Raktavarn Tav Subhag Shareera, Mastak Jatajoot Gambheera. Take Upar Mukut Biraajai, Dadhi Shvet Mahachhavi Chhajai. Shvetvastra Dhare Tum Sundar, Hai Yagyopaveet Ati Manhar. Kanan Kundal Subhag Birajahin, Gal Motin Ki Mala Rajahin. Charihu Ved Tumhin Pragtaye, Divya Gyan Tribhuvanahin Sikhaye. Brahmalok Shubh Dham Tumhara, Akhil Bhuvan Mahan Yash Bistara. Ardhangini Tav Hai Savitri, Apar Naam Hiye Gayatri. Saraswati Tab Suta Manohar, Veena Vadini Sab Vidhi Sundar. Kamalasan Par Rahe Biraje, Tum Haribhakti Saaj Sab Saje. Ksheer Sindhu Sovat Surbhoopa, Nabhi Kamal Bho Pragat Anoopa. Tehi Par Tum Aaseen Kripala, Sada Karahu Santan Pratipala. Ek Baar Ki Katha Prachari, Tum Kahan Moh Bhayeu Man Bhari. Kamalasan Lakhi Keenh Bichara, Aur Na Kou Ahai Sansara. Tab Tum Kamalnaal Gahi Leenha, Ant Bilokan Kar Pran Keenha. Kotik Varsh Gaye Yahi Bhanti, Bhramat Bhramat Beete Din Raati. Pai Tum Takar Ant Na Paye, Hvai Nirash Atishay Dukhiyaye. Puni Bichar Man Mahan Yah Keenha, Mahapadma Yah Ati Pracheena. Yako Janm Bhayo Ko Karan, Tabahin Mohi Karyo Yah Dharan. Akhil Bhuvan Mahan Kahan Koi Nahin, Sab Kachhu Ahai Nihit Mo Mahin. Yah Nishchay Kari Garab Badhayo, Nij Kahan Brahm Mani Sukhpaye. Gagan Gira Tab Bhai Gambheera, Brahma Vachan Sunahu Dhari Dheera. Sakal Srishti Kar Swami Joi, Brahm Anadi Alakh Hai Soi. Nij Ichchha In Sab Nirmaye, Brahma Vishnu Mahesh Banaye. Srishti Laagi Pragate Trayadeva, Sab Jag Inki Karihai Seva. Mahapadma Jo Tumhro Aasan, Ta Pai Ahai Vishnu Ko Shasan. Vishnu Nabhiten Pragtyo Aai, Tum Kahan Satya Deenh Samujhai. Bhetahu Jai Vishnu Hitmani, Yah Kahi Band Bhai Nabhvani. Tahi Shravan Kahi Acharaj Mana, Puni Chaturanan Keenh Payana. Kamal Naal Dhari Neeche Aava, Tahan Vishnu Ke Darshan Pava. Shayan Karat Dekhe Surbhoopa, Shyamvarn Tanu Param Anoopa. Sohat Chaturbhuj Atisundar, Kreetmukut Rajat Mastak Par. Gal Baijanti Maal Birajai, Koti Soorya Ki Shobha Lajai. Shankh Chakra Aru Gada Manohar, Padma Sahit Aayudh Sab Sundar. Paay Palotati Rama Nirantar, Shesh Naag Shayya Ati Manhar. Divyaroop Lakhi Keenh Pranamu, Harshit Bhe Shripati Sukh Dhamu. Bahu Vidhi Vinay Keenh Chaturanan, Tab Lakshmi Pati Kaheu Mudit Man. Brahma Doori Karahu Abhimana, Brahmaroop Ham Dou Samana. Teeje Shri Shivshankar Aahin, Brahmaroop Sab Tribhuvan Manhin. Tum Son Hoi Srishti Vistara, Ham Palan Karihain Sansara. Shiv Sanhar Karahin Sab Kera, Ham Teenahun Kahan Kaaj Ghanera. Agunroop Shri Brahm Bakhanahu, Nirakar Tinkahan Tum Janahu. Ham Sakar Roop Trayadeva, Karihain Sada Brahm Ki Seva. Yah Suni Brahma Param Sihaye, Parabrahm Ke Yash Ati Gaye. So Sab Vidit Ved Ke Nama, Mukti Roop So Param Lalama. Yahi Vidhi Prabhu Bho Janam Tumhara, Puni Tum Pragat Keenh Sansara. Naam Pitamah Sundar Payeu, Jad Chetan Sab Kahan Nirmayeu. Leenh Anek Baar Avatara, Sundar Suyash Jagat Vistara. Devdanuj Sab Tum Kahan Dhyavahin, Manvanchhit Tum San Sab Pavahin. Jo Kou Dhyan Dharai Nar Nari, Taki Aas Pujavahu Sari. Pushkar Teerth Param Sukhdai, Tahan Tum Basahu Sada Surrai. Kund Nahai Karahi Jo Poojan, Ta Kar Door Hoi Sab Dooshan.