सूर्याष्टकम् (आदिदेव नमस्तुभ्यं)

मूल पाठ

आदिदेव नमस्तुभ्यं प्रसीद मम भास्कर । दिवाकर नमस्तुभ्यं प्रभाकर नमोऽस्तु ते ॥1॥ सप्ताश्वरथमारूढं प्रचण्डं कश्यपात्मजम् । श्वेतपद्मधरं देवं तं सूर्यं प्रणमाम्यहम् ॥2॥ लोहितं रथमारूढं सर्वलोकपितामहम् । महापापहरं देवं तं सूर्यं प्रणमाम्यहम् ॥3॥ त्रैगुण्यं च महाशूरं ब्रह्मविष्णुमहेश्वरम् । महापापहरं देवं तं सूर्यं प्रणमाम्यहम् ॥4॥ बृंहितं तेजःपुञ्जं च वायुमाकाशमेव च । प्रभुं च सर्वलोकानां तं सूर्यं प्रणमाम्यहम् ॥5॥ बन्धूकपुष्पसंकाशं हारकुण्डलभूषितम् । एकचक्रधरं देवं तं सूर्यं प्रणमाम्यहम् ॥6॥ तं सूर्यं जगत्कर्तारं महातेजःप्रदीपनम् । महापापहरं देवं तं सूर्यं प्रणमाम्यहम् ॥7॥ तं सूर्यं जगतां नाथं ज्ञानविज्ञानमोक्षदम् । महापापहरं देवं तं सूर्यं प्रणमाम्यहम् ॥8॥ इति श्रीशिवप्रोक्तं सूर्याष्टकं सम्पूर्णम् । सूर्याष्टकं पठेन्नित्यं ग्रहपीडा प्रणाशनम् । अपुत्रो लभते पुत्रं दारिद्रो धनवान् भवेत् ॥ अमिषं मधुपानं च यः करोति रवेर्दिने । सप्तजन्मभवेत् रोगि जन्मजन्म दरिद्रता ॥ स्त्री-तैल-मधु-मांसानि ये त्यजन्ति रवेर्दिने । न व्याधि शोक दारिद्र्यं सूर्य लोकं च गच्छति ॥

लिप्यंतरण

Adideva namastubhyam prasida mama bhaskara | Divakara namastubhyam prabhakara namostu te ||1|| Saptashvarathamarudham prachandam kashyapatmajam | Shvetapadmadharam devam tam suryam pranamamyaham ||2|| Lohitam rathamarudham sarvalokapitamaham | Mahapapaharam devam tam suryam pranamamyaham ||3|| Traigunyam cha mahashuram brahmavishnumaheshvaram | Mahapapaharam devam tam suryam pranamamyaham ||4|| Brinhitam tejahpunjam cha vayumakashameva cha | Prabhum cha sarvalokanam tam suryam pranamamyaham ||5|| Bandhukapushpasankasham harakundalabhushitam | Ekachakradharam devam tam suryam pranamamyaham ||6|| Tam suryam jagatkartaram mahatejahpradipanam | Mahapapaharam devam tam suryam pranamamyaham ||7|| Tam suryam jagatam natham jnanavijnanamokshadam | Mahapapaharam devam tam suryam pranamamyaham ||8|| Iti shrishivaproktam suryashtakam sampurnam | Suryashtakam pathennityam grahapida pranashanam | Aputro labhate putram daridro dhanavan bhavet || Amisham madhupanam cha yah karoti raverdine | Saptajanmabhavet rogi janmajanma daridrata || Stri-taila-madhu-mansani ye tyajanti raverdine | Na vyadhi shoka daridryam surya lokam cha gachchhati ||