राधा चालीसा

मूल पाठ

॥ दोहा ॥ श्री राधे वुषभानुजा, भक्तनि प्राणाधार । वृन्दाविपिन विहारिणी, प्रानावौ बारम्बार ॥ जैसो तैसो रावरौ, कृष्ण प्रिया सुखधाम । चरण शरण निज दीजिये, सुन्दर सुखद ललाम ॥ ॥ चौपाई ॥ जय वृषभान कुँवरी श्री श्यामा । कीरति नंदिनी शोभा धामा ॥1॥ नित्य विहारिनि श्याम अधारा । अमित मोद मंगल दातारा ॥2॥ रास विलासिनि रस विस्तारिनि । सहचरि सुभग यूथ मन भावनि ॥3॥ नित्य किशोरी राधा गोरी । श्याम प्राणधन अति जिय भोरी ॥4॥ करुणा सागर हिय उमंगिनी । ललितादिक सखियन की संगिनी ॥5॥ दिनकर कन्या कूल विहारिनि । कृष्ण प्राण प्रिय हिय हुलसावनि ॥6॥ नित्य श्याम तुमरौ गुण गावैं । राधा राधा कहि हरषावैं ॥7॥ मुरली में नित नाम उचारें । तुव कारण लीला वपु धारें ॥8॥ प्रेम स्वरूपिणि अति सुकुमारी । श्याम प्रिया वृषभानु दुलारी ॥9॥ नवल किशोरी अति छवि धामा । द्युति लघु लगै कोटि रति कामा ॥10॥ गौरांगी शशि निंदक बदना । सुभग चपल अनियारे नयना ॥11॥ जावक युत युग पंकज चरना । नूपुर धुनि प्रीतम मन हरना ॥12॥ संतत सहचरि सेवा करहीं । महा मोद मंगल मन भरहीं ॥13॥ रसिकन जीवन प्राण अधारा । राधा नाम सकल सुख सारा ॥14॥ अगम अगोचर नित्य स्वरूपा । ध्यान धरत निशिदिन ब्रज भूपा ॥15॥ उपजेउ जासु अंश गुण खानी । कोटिन उमा रमा ब्रह्मानी ॥16॥ नित्य धाम गोलोक विहारिणि । जन रक्षक दुख दोष नसावनि ॥17॥ शिव अज मुनि सनकादिक नारद । पार न पाँइ शेष अरु शारद ॥18॥ राधा शुभ गुण रूप उजारी । निरखि प्रसन्न होत बनवारी ॥19॥ ब्रज जीवन धन राधा रानी । महिमा अमित न जाय बखानी ॥20॥ प्रीतम संग देइ गलबाँही । बिहरत नित वृन्दावन माँही ॥21॥ राधा कृष्ण कृष्ण कहैं राधा । एक रूप दोउ प्रीति अगाधा ॥22॥ श्री राधा मोहन मन हरनी । जन सुख दायक प्रफुलित बदनी ॥23॥ कोटिक रूप धरें नंद नंदा । दर्शन करन हित गोकुल चंदा ॥24॥ रास केलि करि तुम्हें रिझावें । मान करौ जब अति दुःख पावें ॥25॥ प्रफुलित होत दर्श जब पावें । विविध भांति नित विनय सुनावें ॥26॥ वृन्दारण्य विहारिणि श्यामा । नाम लेत पूरण सब कामा ॥27॥ कोटिन यज्ञ तपस्या करहु । विविध नेम व्रत हिय में धरहु ॥28॥ तऊ न श्याम भक्तहिं अपनावें । जब लगि राधा नाम न गावें ॥29॥ वृन्दाविपिन स्वामिनी राधा । लीला वपु तब अमित अगाधा ॥30॥ स्वयं कृष्ण पावैं नहिं पारा । और तुम्हें को जानन हारा ॥31॥ श्री राधा रस प्रीति अभेदा । सादर गान करत नित वेदा ॥32॥ राधा त्यागि कृष्ण को भजिहैं । ते सपनेहुँ जग जलधि न तरि हैं ॥33॥ कीरति कुँवरि लाड़िली राधा । सुमिरत सकल मिटहिं भव बाधा ॥34॥ नाम अमंगल मूल नसावन । त्रिविध ताप हर हरि मनभावन ॥35॥ राधा नाम लेइ जो कोई । सहजहि दामोदर बस होई ॥36॥ राधा नाम परम सुखदाई । भजतहिं कृपा करहिं यदुराई ॥37॥ यशुमति नन्दन पीछे फिरिहैं । जो कोऊ राधा नाम सुमिरिहैं ॥38॥ रास विहारिणि श्यामा प्यारी । करहु कृपा बरसाने वारी ॥39॥ वृन्दावन है शरण तिहारी । जय जय जय वृषभानु दुलारी ॥40॥ ॥ दोहा ॥ श्री राधा सर्वेश्वरी, रसिकेश्वर धनश्याम । करहुँ निरंतर बास मैं, श्री वृन्दावन धाम ॥ ॥ इति श्री राधा चालीसा ॥

लिप्यंतरण

Doha: Shri Radhe Vrishabhanuja, Bhaktani Pranadhar. Vrindavipin Viharini, Pranavau Barambar. Jaiso Taiso Ravarau, Krishna Priya Sukhdham. Charan Sharan Nij Dijiye, Sundar Sukhad Lalam. Chaupai: 1. Jai Vrishbhan Kunwari Shri Shyama, Kirti Nandini Shobha Dhama. 2. Nitya Viharini Shyam Adhara, Amit Mod Mangal Datara. 3. Raas Vilasini Ras Vistarini, Sahchari Subhag Yuth Man Bhavani. 4. Nitya Kishori Radha Gori, Shyam Pranadhan Ati Jiy Bhori. 5. Karuna Sagar Hiy Umangini, Lalitadik Sakhiyan Ki Sangini. 6. Dinkar Kanya Kool Viharini, Krishna Pran Priya Hiy Hulsavani. 7. Nitya Shyam Tumrau Gun Gavain, Radha Radha Kahi Harshavain. 8. Murli Mein Nit Naam Ucharen, Tuv Karan Leela Vapu Dharen. 9. Prem Swaroopini Ati Sukumari, Shyam Priya Vrishbhanu Dulari. 10. Naval Kishori Ati Chhavi Dhama, Dyuti Laghu Lagai Koti Rati Kama. 11. Gaurangi Shashi Nindak Badna, Subhag Chapal Aniyare Nayana. 12. Javak Yut Yug Pankaj Charna, Noopur Dhuni Preetam Man Harna. 13. Santat Sahchari Seva Karahin, Maha Mod Mangal Man Bharahin. 14. Rasikan Jeevan Pran Adhara, Radha Naam Sakal Sukh Sara. 15. Agam Agochar Nitya Swaroopa, Dhyan Dharat Nishidin Braj Bhupa. 16. Upajeu Jasu Ansh Gun Khani, Kotin Uma Rama Brahmani. 17. Nitya Dhaam Golok Viharini, Jan Rakshak Dukh Dosh Nasavani. 18. Shiv Aj Muni Sanakadik Narad, Paar Na Pain Shesh Aru Sharad. 19. Radha Shubh Gun Roop Ujari, Nirakhi Prasann Hot Banvari. 20. Braj Jeevan Dhan Radha Rani, Mahima Amit Na Jaay Bakhani. 21. Preetam Sang Dei Galbanhi, Biharat Nit Vrindavan Manhi. 22. Radha Krishna Krishna Kahain Radha, Ek Roop Dou Preeti Agadha. 23. Shri Radha Mohan Man Harni, Jan Sukh Dayak Praphulit Badni. 24. Kotik Roop Dharen Nand Nanda, Darshan Karan Hit Gokul Chanda. 25. Raas Keli Kari Tumhen Rijhaven, Maan Karau Jab Ati Dukh Paven. 26. Praphulit Hot Darsh Jab Paven, Vividh Bhanti Nit Vinay Sunaven. 27. Vrindaranya Viharini Shyama, Naam Let Puran Sab Kama. 28. Kotin Yagya Tapasya Karahu, Vividh Nem Vrat Hiy Mein Dharahu. 29. Tau Na Shyam Bhaktahin Apnaven, Jab Lagi Radha Naam Na Gaven. 30. Vrindavipin Swamini Radha, Leela Vapu Tab Amit Agadha. 31. Swayam Krishna Pavain Nahin Para, Aur Tumhen Ko Janan Hara. 32. Shri Radha Ras Preeti Abheda, Sadar Gaan Karat Nit Veda. 33. Radha Tyagi Krishna Ko Bhajihain, Te Sapnehun Jag Jaladhi Na Tari Hain. 34. Kirti Kunwari Ladili Radha, Sumirat Sakal Mitahin Bhav Badha. 35. Naam Amangal Mool Nasavan, Trividh Taap Har Hari Manbhavan. 36. Radha Naam Lei Jo Koi, Sahajahi Damodar Bas Hoi. 37. Radha Naam Param Sukhdai, Bhajatahin Kripa Karahin Yadurai. 38. Yashumati Nandan Peechhe Phirihain, Jo Kou Radha Naam Sumirihain. 39. Raas Viharini Shyama Pyari, Karahu Kripa Barsane Vari. 40. Vrindavan Hai Sharan Tihari, Jai Jai Jai Vrishbhanu Dulari. Doha: Shri Radha Sarveshwari, Rasikeshwar Ghanshyam. Karahun Nirantar Baas Main, Shri Vrindavan Dhaam.