श्री यमुनाष्टकम् (वल्लभाचार्य)

मूल पाठ

नमामि यमुनामहं सकलसिद्धिहेतुं मुदा मुरारिपदपङ्कजस्फुरदमन्दरेणूत्कटाम् । तटस्थनवकाननप्रकटमोदपुष्पाम्बुना सुरासुरसुपूजितस्मरपितुः श्रियं बिभ्रतीम् ॥ १॥ कलिन्दगिरिमस्तके पतदमन्दपूरोज्ज्वला विलासगमनोल्लसत्प्रकटगण्डशैलोन्नता । सघोषगतिदन्तुरा समधिरूढदोलोत्तमा मुकुन्दरतिवर्धिनी जयति पद्मबन्धोः सुता ॥ २॥ भुवं भुवनपावनीमधिगतामनेकस्वनैः प्रियाभिरिव सेवितां शुकमयूरहंसादिभिः । तरङ्गभुजकङ्कणप्रकटमुक्तिकावालुका नितम्बतटसुन्दरीं नमत कृष्णतुर्यप्रियाम् ॥ ३॥ अनन्तगुण भूषिते शिवविरञ्चिदेवस्तुते घनाघननिभे सदा ध्रुवपराशराभीष्टदे । विशुद्धमथुरातटे सकलगोपगोपीवृते कृपाजलधिसंश्रिते मम मनस्सुखं भावय ॥ ४॥ यया चरणपद्मजा मुररिपोः प्रियम्भावुका समागमनतोऽभवत् सकलसिद्धिदा सेवताम् । तया सदृशतामियात्कमलजा सपत्नीव य- द्धरिप्रियकलिन्दया मनसि मे सदा स्थीयताम् ॥ ५॥ नमोऽस्तु यमुने सदा तव चरित्रमत्यद्भुतं न जातु यमयातना भवति ते पयः पानतः । यमोऽपि भगिनीसुतान्कथमु हन्ति दुष्टानपि प्रियो भवति सेवनात्तव हरेर्यथा गोपिकाः ॥ ६॥ ममाऽस्तु तव सन्निधौ तनुनवत्वमेतावता न दुर्लभतमा रतिर्मुररिपौ मुकुन्दप्रिये । अतोऽस्तु तव लालना सुरधुनी परं सङ्गमा- त्तवैव भुवि कीर्तिता न तु कदापि पुष्टिस्थितैः ॥ ७॥ स्तुतिं तव करोति कः कमलजासपत्निप्रिये हरेर्यदनुसेवया भवति सौख्यमामोक्षतः । इयं तव कथाऽधिका सकलगोपिकासङ्गमः । स्मरश्रमजलाणुभिः सकलगात्रजैः सङ्गमः ॥ ८॥ तवाऽष्टकमिदं मुदा पठति सूरसूते सदा समस्तदुरितक्षयो भवति वै मुकुन्दे रतिः । तया सकलसिद्धयो मुररिपुश्च सन्तुष्यति स्वभावविजयो भवेद्वदति वल्लभः श्रीहरेः ॥ ९॥ इति श्रीवल्लभाचार्यविरचितं श्रीयमुनाष्टकं सम्पूर्णम् ।

लिप्यंतरण

Namami yamunamaham sakalasiddhihetum muda Muraripadapankajasphuradamandarenutkatam | Tatasthanavakananaprakatamodapushpambuna Surasurasupujitasmarapituh shriyam bibhratim ||1|| Kalindagirimastake patadamandapurojjvala Vilasagamanollasatprakatagandashailonnata | Saghoshagatidantura samadhirudhadolottama Mukundarativardhini jayati padmabandhoh suta ||2|| Bhuvam bhuvanapavanimadhigatamanekasvanaih Priyabhiriva sevitam shukamayurahansadibhih | Tarangabhujakankanaprakatamuktikavaluka Nitambatatasundarim namata krishnaturyapriyam ||3|| Anantaguna bhushite shivaviranchidevastute Ghanaghananibhe sada dhruvaparasharabhishtade | Vishuddhamathuratate sakalagopagopivrite Kripajaladhisanshrite mama manassukham bhavaya ||4|| Yaya charanapadmaja muraripoh priyambhavuka Samagamanatobhavat sakalasiddhida sevatam | Taya sadrishatamiyatkamalaja sapatniva ya- Ddharipriyakalindaya manasi me sada sthiyatam ||5|| Namostu yamune sada tava charitramatyadbhutam Na jatu yamayatana bhavati te payah panatah | Yamopi bhaginisutankathamu hanti dushtanapi Priyo bhavati sevanattava hareryatha gopikah ||6|| Mamastu tava sannidhau tanunavatvametavata Na durlabhatama ratirmuraripau mukundapriye | Atostu tava lalana suradhuni param sangama- Ttavaiva bhuvi kirtita na tu kadapi pushtisthitaih ||7|| Stutim tava karoti kah kamalajasapatnipriye Hareryadanusevaya bhavati saukhyamamokshatah | Iyam tava kathadhika sakalagopikasangamah | Smarashramajalanubhih sakalagatrajaih sangamah ||8|| Tavashtakamidam muda pathati surasute sada Samastaduritakshayo bhavati vai mukunde ratih | Taya sakalasiddhayo muraripushcha santushyati Svabhavavijayo bhavedvadati vallabhah shrihareh ||9|| Iti shrivallabhacharyavirachitam shriyamunashtakam sampurnam |