पार्वती चालीसा

मूल पाठ

॥ दोहा ॥ जय गिरी तनये दक्षजे शम्भू प्रिये गुणखानि । गणपति जननी पार्वती अम्बे! शक्ति! भवानि ॥ ॥ चौपाई ॥ ब्रह्मा भेद न तुम्हरो पावे । पंच बदन नित तुमको ध्यावे ॥1॥ षड्मुख कहि न सकत यश तेरो । सहसबदन श्रम करत घनेरो ॥2॥ तेऊ पार न पावत माता । स्थित रक्षा लय हिय सजाता ॥3॥ अधर प्रवाल सदृश अरुणारे । अति कमनीय नयन कजरारे ॥4॥ ललित ललाट विलेपित केशर । कुंकुंम अक्षत शोभा मनहर ॥5॥ कनक बसन कंचुकि सजाए । कटी मेखला दिव्य लहराए ॥6॥ कंठ मदार हार की शोभा । जाहि देखि सहजहि मन लोभा ॥7॥ बालारुण अनंत छबि धारी । आभूषण की शोभा प्यारी ॥8॥ नाना रत्न जड़ित सिंहासन । तापर राजति हरि चतुरानन ॥9॥ इन्द्रादिक परिवार पूजित । जग मृग नाग यक्ष रव कूजित ॥10॥ गिर कैलास निवासिनी जय जय । कोटिक प्रभा विकासिनी जय जय ॥11॥ त्रिभुवन सकल कुटुंब तिहारी । अणु अणु महं तुम्हारी उजियारी ॥12॥ हैं महेश प्राणेश तुम्हारे । त्रिभुवन के जो नित रखवारे ॥13॥ उनसो पति तुम प्राप्त कीन्ह जब । सुकृत पुरातन उदित भए तब ॥14॥ बूढ़ा बैल सवारी जिनकी । महिमा का गावे कोउ तिनकी ॥15॥ सदा श्मशान बिहारी शंकर । आभूषण हैं भुजंग भयंकर ॥16॥ कण्ठ हलाहल को छबि छायी । नीलकण्ठ की पदवी पायी ॥17॥ देव मगन के हित अस किन्हो । विष लै आपु तिनहि अमि दिन्हो ॥18॥ ताकी तुम पत्नी छवि धारिणी । दुरित विदारिणी मंगल कारिणी ॥19॥ देखि परम सौंदर्य तिहारो । त्रिभुवन चकित बनावन हारो ॥20॥ भय भीता सो माता गंगा । लज्जा मय है सलिल तरंगा ॥21॥ सौत समान शम्भू पहआयी । विष्णु पदाब्ज छोड़ि सो धायी ॥22॥ तेहि कों कमल बदन मुरझायो । लखी सत्वर शिव शीश चढ़ायो ॥23॥ नित्यानंद करी बरदायिनी । अभय भक्त कर नित अनपायिनी ॥24॥ अखिल पाप त्रयताप निकन्दिनी । माहेश्वरी हिमालय नन्दिनी ॥25॥ काशी पुरी सदा मन भायी । सिद्ध पीठ तेहि आपु बनायी ॥26॥ भगवती प्रतिदिन भिक्षा दात्री । कृपा प्रमोद सनेह विधात्री ॥27॥ रिपुक्षय कारिणी जय जय अम्बे । वाचा सिद्ध करि अवलम्बे ॥28॥ गौरी उमा शंकरी काली । अन्नपूर्णा जग प्रतिपाली ॥29॥ सब जन की ईश्वरी भगवती । पतिप्राणा परमेश्वरी सती ॥30॥ तुमने कठिन तपस्या कीनी । नारद सों जब शिक्षा लीनी ॥31॥ अन्न न नीर न वायु अहारा । अस्थि मात्रतन भयउ तुम्हारा ॥32॥ पत्र घास को खाद्य न भायउ । उमा नाम तब तुमने पायउ ॥33॥ तप बिलोकी ऋषि सात पधारे । लगे डिगावन डिगी न हारे ॥34॥ तब तब जय जय जय उच्चारेउ । सप्तऋषि निज गेह सिद्धारेउ ॥35॥ सुर विधि विष्णु पास तब आए । वर देने के वचन सुनाए ॥36॥ मांगे उमा वर पति तुम तिनसों । चाहत जग त्रिभुवन निधि जिनसों ॥37॥ एवमस्तु कही ते दोऊ गए । सुफल मनोरथ तुमने लए ॥38॥ करि विवाह शिव सों भामा । पुनः कहाई हर की बामा ॥39॥ जो पढ़िहै जन यह चालीसा । धन जन सुख देइहै तेहि ईसा ॥40॥ ॥ दोहा ॥ कूटि चंद्रिका सुभग शिर, जयति जयति सुख खानि पार्वती निज भक्त हित, रहहु सदा वरदानि । ॥ इति श्री पार्वती चालीसा ॥

लिप्यंतरण

Doha: Jai Giri Tanaye Dakshaje, Shambhu Priye Gunkhani. Ganapati Janani Parvati, Ambe! Shakti! Bhavani! Chaupai: 1. Brahma Bhed Na Tumharo Pave, Panch Badan Nit Tumko Dhyave. 2. Shadmukh Kahi Na Sakat Yash Tero, Sahasbadan Shram Karat Ghanero. 3. Teu Paar Na Pavat Mata, Sthit Raksha Lay Hiy Sajata. 4. Adhar Praval Sadrish Arunare, Ati Kamaniya Nayan Kajrare. 5. Lalit Lalat Vilepit Keshar, Kumkum Akshat Shobha Manhar. 6. Kanak Basan Kanchuki Sajaye, Kati Mekhala Divya Lahraye. 7. Kanth Madar Haar Ki Shobha, Jahi Dekhi Sahajahi Man Lobha. 8. Balarun Anant Chhabi Dhari, Abhushan Ki Shobha Pyari. 9. Nana Ratna Jadit Singhasan, Tapar Rajati Hari Chaturanan. 10. Indradik Parivar Pujit, Jag Mrig Naag Yaksh Rav Kujit. 11. Gir Kailas Nivasini Jai Jai, Kotik Prabha Vikasini Jai Jai. 12. Tribhuvan Sakal Kutumb Tihari, Anu Anu Mahan Tumhari Ujiyari. 13. Hain Mahesh Pranesh Tumhare, Tribhuvan Ke Jo Nit Rakhvare. 14. Unso Pati Tum Prapt Keenh Jab, Sukrit Puratan Udit Bhaye Tab. 15. Budha Bail Savari Jinki, Mahima Ka Gave Kou Tinki. 16. Sada Shmashan Bihari Shankar, Abhushan Hain Bhujang Bhayankar. 17. Kanth Halahal Ko Chhabi Chhayi, Neelkanth Ki Padvi Payi. 18. Dev Magan Ke Hit As Kinho, Vish Lai Apu Tinahi Ami Dinho. 19. Taki Tum Patni Chhavi Dharini, Durit Vidarini Mangal Karini. 20. Dekhi Param Saundarya Tiharo, Tribhuvan Chakit Banavan Haro. 21. Bhay Bhita So Mata Ganga, Lajja May Hai Salil Taranga. 22. Saut Saman Shambhu Pah Aayi, Vishnu Padabj Chhodi So Dhayi. 23. Tehi Kon Kamal Badan Murjhayo, Lakhi Satvar Shiv Sheesh Chadhayo. 24. Nityanand Kari Bardayini, Abhay Bhakt Kar Nit Anpayini. 25. Akhil Paap Traytaap Nikandini, Maheshwari Himalay Nandini. 26. Kashi Puri Sada Man Bhayi, Siddh Peeth Tehi Aapu Banayi. 27. Bhagavati Pratidin Bhiksha Datri, Kripa Pramod Saneh Vidhatri. 28. Ripukshay Karini Jai Jai Ambe, Vacha Siddh Kari Avalambe. 29. Gauri Uma Shankari Kali, Annapurna Jag Pratipali. 30. Sab Jan Ki Ishwari Bhagavati, Patiprana Parmeshwari Sati. 31. Tumne Kathin Tapasya Kini, Narad Son Jab Shiksha Lini. 32. Ann Na Neer Na Vayu Ahara, Asthi Matratan Bhayau Tumhara. 33. Patra Ghaas Ko Khadya Na Bhayau, Uma Naam Tab Tumne Payau. 34. Tap Biloki Rishi Saat Padhare, Lage Digavan Digi Na Hare. 35. Tab Tab Jai Jai Jai Uchareu, Saptrishi Nij Geh Sidhareu. 36. Sur Vidhi Vishnu Paas Tab Aaye, Var Dene Ke Vachan Sunaye. 37. Mange Uma Var Pati Tum Tinson, Chahat Jag Tribhuvan Nidhi Jinson. 38. Evamastu Kahi Te Dou Gaye, Suphal Manorath Tumne Laye. 39. Kari Vivah Shiv Son Bhama, Punah Kahayi Har Ki Bama. 40. Jo Padhihai Jan Yah Chalisa, Dhan Jan Sukh Deihai Tehi Isa. Doha: Kuti Chandrika Subhag Shir, Jayati Jayati Sukh Khani. Parvati Nij Bhakt Hit, Rahahu Sada Vardani.