चन्द्रशेखराष्टकम् – चन्द्रशेखर पाहि माम्

मूल पाठ

चन्द्रशेखर चन्द्रशेखर चन्द्रशेखर पाहि माम् । चन्द्रशेखर चन्द्रशेखर चन्द्रशेखर रक्ष माम् ॥ रत्नसानुशरासनं रजताद्रिश‍ृङ्गनिकेतनं शिञ्जिनीकृतपन्नगेश्वरमच्युतानलसायकम् । क्षिप्रदग्धपुरत्रयं त्रिदशालयैरभिवन्दितं चन्द्रशेखरमाश्रये मम किं करिष्यति वै यमः ॥ १ ॥ पञ्चपादपपुष्पगन्धिपदाम्बुजद्वयशोभितं भाललोचनजातपावकदग्धमन्मथविग्रहम् । भस्मदिग्धकलेवरं भवनाशनं भवमव्ययं चन्द्रशेखरमाश्रये मम किं करिष्यति वै यमः ॥ २ ॥ मत्तवारणमुख्यचर्मकृतोत्तरीयमनोहरं पङ्कजासनपद्मलोचनपूजिताङ्घ्रिसरोरुहम् । देवसिन्धुतरङ्गशीकरसिक्तशीतजटाधरं चन्द्रशेखरमाश्रये मम किं करिष्यति वै यमः ॥ ३ ॥ कुण्डलीकृतकुण्डलीश्वरकुण्डलं वृषवाहनं नारदादिमुनीश्वरस्तुतवैभवं भुवनेश्वरम् । अन्धकान्तकमाश्रितामरपादपं शमनान्तकं चन्द्रशेखरमाश्रये मम किं करिष्यति वै यमः ॥ ४ ॥ यक्षराजसखं भगाक्षहरं भुजङ्गविभूषणं शैलराजसुतापरिष्कृतचारुवामकलेवरम् । क्ष्वेडनीलगलं परश्वधधारिणं मृगधारिणं चन्द्रशेखरमाश्रये मम किं करिष्यति वै यमः ॥ ५ ॥ भेषजं भवरोगिणामखिलापदामपहारिणं दक्षयज्ञविनाशनं त्रिगुणात्मकं त्रिविलोचनम् । भुक्तिमुक्तिफलप्रदं सकलाघसङ्घनिबर्हणं चन्द्रशेखरमाश्रये मम किं करिष्यति वै यमः ॥ ६ ॥ भक्तवत्सलमर्चितं निधिमक्षयं हरिदम्बरं सर्वभूतपतिं परात्परमप्रमेयमनामयम् । सोमवारिदभूहुताशनसोमपानिलखाकृतिं चन्द्रशेखरमाश्रये मम किं करिष्यति वै यमः ॥ ७ ॥ विश्वसृष्टिविधायिनं पुनरेव पालनतत्परं संहरन्तमथ प्रपञ्चमशेषलोकनिवासिनम् । क्रीडयन्तमहर्निशं गणनाथयूथसमाकुलं चन्द्रशेखरमाश्रये मम किं करिष्यति वै यमः ॥ ८ ॥ ॥ फलश्रुतिः ॥ मृत्युभीतमृकण्डसूनुकृतस्तवं शिवसन्निधौ यत्र कुत्र च यः पठेन्न हि तस्य मृत्युभयं भवेत् । दीर्घमायुररोगितामखिलार्थसम्पदमादरात् चन्द्रशेखर एव तस्य ददाति मुक्तिमयत्नतः ॥ ॥ इति श्रीशिवरहस्यान्तर्गते मार्कण्डेयकृतं श्रीचन्द्रशेखराष्टकं सम्पूर्णम् ॥

लिप्यंतरण

Chandrashekhara chandrashekhara chandrashekhara pahi mam Chandrashekhara chandrashekhara chandrashekhara raksha mam || Ratnasanusharasanam rajatadrishringaniketanam Shinjinikritapannageshvaramachyutanalasayakam Kshipradagdhapuratrayam tridashalayairabhivanditam Chandrashekharamashraye mama kim karishyati vai yamah ||1|| Panchapadapapushpagandhipadambujadvayashobhitam Bhalalochanajatapavakadagdhamanmathavigraham Bhasmadigdhakalevaram bhavanashanam bhavamavyayam Chandrashekharamashraye mama kim karishyati vai yamah ||2|| Mattavaranamukhyacharmakritottariyamanoharam Pankajasanapadmalochanapujitanghrisaroruham Devasindhutarangashikarasiktashitajatadharam Chandrashekharamashraye mama kim karishyati vai yamah ||3|| Kundalikritakundalishvarakundalam vrishavahanam Naradadimunishvarastutavaibhavam bhuvaneshvaram Andhakantakamashritamarapadapam shamanantakam Chandrashekharamashraye mama kim karishyati vai yamah ||4|| Yaksharajasakham bhagakshaharam bhujangavibhushanam Shailarajasutaparishkritacharuvamakalevaram Kshvedanilagalam parashvadhadharinam mrigadharinam Chandrashekharamashraye mama kim karishyati vai yamah ||5|| Bheshajam bhavaroginamakhilapadamapaharinam Dakshayajnavinashanam trigunatmakam trivilochanam Bhuktimuktiphalapradam sakalaghasanghanibarhanam Chandrashekharamashraye mama kim karishyati vai yamah ||6|| Bhaktavatsalamarchitam nidhimakshayam haridambaram Sarvabhutapatim paratparamaprameyamanamayam Somavaridabhuhutashanasomapanilakhakritim Chandrashekharamashraye mama kim karishyati vai yamah ||7|| Vishvasrishtividhayinam punareva palanatatparam Sanharantamatha prapanchamasheshalokanivasinam Kridayantamaharnisham gananathayuthasamakulam Chandrashekharamashraye mama kim karishyati vai yamah ||8|| Phalashrutih || Mrityubhitamrikandasunukritastavam shivasannidhau Yatra kutra cha yah pathenna hi tasya mrityubhayam bhavet Dirghamayurarogitamakhilarthasampadamadarat Chandrashekhara eva tasya dadati muktimayatnatah || Iti shrishivarahasyantargate markandeyakritam shrichandrashekharashtakam sampurnam ||